عيش للناس

مايو 2013 كانت بداية فريق عيش للناس في المنصورة.. قررنا وقتها إننا نعبر عن حبنا لبلدنا بشكل إيجابي في وقت كان ناس كتير محبطة وناس كتير متفرقة.

خلينا رعاية الأطفال المرضى هي هدفنا الأساسي، وبفضل ربنا أوله وبفضل أيادي كتير اتمدت معانا في الخير كنا الحمد لله سبب في توفير علاج ودعم مادي ومعنوي لمئات الأطفال خلال سنتين هم عمر الفريق حتى الآن.
يوم السبت 9 مايو الساعة 11 صباحا في قاعة المؤتمرات بمستشفى الأطفال الجامعي هنحتفل بمرور سنتين على الفريق، ولإننا مكناش لوحدنا في المشوار وكان معانا على الطريق فرق وجمعيات ومبادرات خيرية كتير كل واحدة منها بتحاول تبني حاجه، عشان كدا قررنا إن احتفالنا بعيد ميلاد عيش للناس هيكون احتفال لكل الناس اللي عايشة للناس على اختلاف أسامي الفرق.
الدعوة عامة لكل فريق خيري أو تنموي في المنصورة، الدعوة عامة لكل متطوع بيشارك في عمل الخير.
ومن هنا ليوم السبت في فرق في المنصورة هتعمل أعمال خيرية وتنموية تحت شعار "أسبوع للناس"..وهنعلن عنها تباعا، ويوم السبت هيكون تجديد للعهد إننا نفضل كلنا إيد واحدة.

مستشفى الأطفال الجامعي وإدارتها الكريمة مشكورة هتكون راعية لليوم وهتستضيف فريق عيش للناس وكل الفرق الخيرية المشاركة تقديرا لجهودهم.

 

 
Nike
Submit to FacebookSubmit to Google PlusSubmit to TwitterSubmit to LinkedIn